Ракометарите на Охрид денеска ја совладаа екипата на Тиквеш во натпреварот од петтото коло од плејофот во Супер лигата, кој се одигра попладнево во салата „Билјанини извори“, со 37:20.

После првото полувреме играчите предводени од тренерот Борис Ројевиќ имаа предност од пет голови разлика (19:14).

Одлично деби за ГРК Охрид имаше новото засилување, Јапонецот Косуке Јасухира кој заедно со Давид Савревски и Ален Ќосевски беа најефикасни со по шест голови, а пет запиша грчкиот интернационалец Николаос Лиапис.

На спротивната страна по пет погодоци забележаа Томче Стојановски и Богдан Мијушковиќ.

По втората победа во низа, тимот на Охрид е на второто место со 44 бодови, додека Тиквеш е на петтата позиција со 24.

Во следното коло составот на Ројевиќ на 25 април ќе го пречека Бутел Скопје, додека Тиквеш истиот ден оди кај Еурофарм Пелистер.