Репрезентациите на Јапонија и на Саудиска Арабија обезбедија директен пласман на Светското првенство во Катар, додека селекцијата на Австралија ќе мора да игра во баражот.

Јапонија мундијалската виза ја завери во Сиднеј со победата од 2:0 во директниот дуел со Австралија. Јапонците до победата дојдоа во финишот од натпреварот благодарение на двата гола на Митома во 89. и во 94. минута.

Со триумфот, Јапонците и направија услуга и на Саудиска Арабија која исто така обезбеди директен пласман на СП во Катар бидејќи на едно коло до крајот на квалификациите има четири бода повеќе од Австралија.

Со триумфот, Јапонија на едно коло до крајот на азиските квалификации во групата Б има 21 бод, додека Австралија е трета со 15 бода и ќе игра во баражот за пласман на СП во Катар.

Саудиска Арабија има 19 бода од осум натпревари и обезбеди директен пласман на мундијалот.