Уште два гола му се потребни на Роналдо (ФОТО) – Слободен печат
СпортФудбал

Уште два гола му се потребни на Роналдо (ФОТО)

Лионел Меси има 68 голови од 136 натпревари за Аргентина, додека Кристијано Роналдо за Португалија има 98 погодоци во 163 мечеви.

Португалскиот фудбалер Кристијано Роналдо во четвртокот дојде до 98 голови во репрезентативната кариера. Со својата селекција ја совлада Литванија во претпоследното коло од квалификациите за ЕУРО 2020, беше стрелец на три голови.

Фудбалерот на Јувентус би можел в недела против Луксембург да дојде до јубилејни 100 погодоци, доколку двапати се запише во листата на стрелците.

– Ништо не ме изненадува кога е во прашање Кристијано. Никогаш не сум се сомневал во него, тоа го правеле и други луѓе – рече селекторот на Португалија, Фернандо Сантош.

Рекордер по бројот на голови за национална репрезентација е Али Даеи од Иран кој за репрезентацијата постигна 109 голови, само 11 повеќе од Роналдо.

Доколку Португалија триумфира против Луксембург дефинитивно ќе се пласира на континенталниот шампионат. Може и со реми, но само доколку Србија не слави дома над Украина.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close