Ураганот Грејс рано утринава ја погоди мексиканската држава Веракруз, која е позната по производството на нафта, а претседателот Андрес Мануел Лопез Обрадор ги повика граѓаните на пет сојузни земји да побараат засолништа, пренесува Ројтерс.

Британските медиуми пренесоа дека  Грејс синоќа беше прогласен за ураган од трета категорија, со налети на ветрот до 195 километри на час, повикувајќи се на Националниот центар за урагани (НХЦ).

Претседателот Лопез Обрадор на Твитер потврди дека се ангажирани илјадници припадници на силите за цивилна заштита, Министерството за одбрана и морнарицата, како и државната електродистрибуција.

„Ги молам луѓето од регионот Веракруз, Пуебла, Сан Луис Потоси, Тамаулипас ​​и Идалго да побараат засолништа на поголема надморска височина, кај роднини или во засолништа што се обезбедени”, напиша Лопез Обрадор на Твитер.

Estoy en comunicación con el gobernador de Veracruz, Cuitláhuac García. El huracán entrará por Nautla a la una de la mañana, aproximadamente.

— Andrés Manuel (@lopezobrador_) August 21, 2021

Претходно неделава ураганот профучи низ мексиканскиот брег на Карибите, соборувајќи дрвја и предизвикувајќи прекин во електричната енергија за речиси 700.000 лица, но засега нема жртви од него, соопштија мексиканските власти.

Грејс, исто така, ги погоди Јамајка и Хаити, островот што претрпе земјотрес со јачина од 7,2 степени.

Приближувајќи се кон Мексико, „Грејс” премина во ураган