Во објава на „Фејсбук“, Управата за извршување санкции ја известува јавноста дека се набавени нови чинии, чаши и прибор за јадење за осудениците во струмичкиот затвор. Управата се фали дека „континуирано презема активности за подобрување на стандардите и квалитетот на престој на осудените лица“.

„Во рамките на тековните унапредувања, посебен акцент е ставен на подобрувањето на условите и опремата поврзана со исхраната. Во изминатиот период е обновен и дополнет приборот за јадење и кујнскиот инвентар, со што се обезбедува повисоко ниво на хигиена и функционалност при послужувањето на оброците со цел процесот да биде побрз, поефикасен и во согласност со стандардите за достоинствен третман на осудените лица“, пишува во објавата.

Управата ја збогати објавата и со фотографии од новите чаши, вилушки и чинии.