Во тек се разговори за можноста унгарската нафтена и гасна компанија МОЛ да купи удел во Нафтена индустрија на Србија (НИС), изјави денес шефот на Kабинетот на унгарскиот премиер, Гергељ Гуљауш.

Тој рече дека, доколку се постигне договор, трансакцијата би била „нормална пазарна операција“, но нагласи дека разговорите се во рана фаза, објави „Н1“.

Сијарто: „Унгарија ќе ѝ даде енергенси на Србија, земја што ни крива ни должна ја плаќа цената на војната во Украина“

Гуљауш додаде дека е во интерес на НИС да се стави крај на руското сопствеништво и дека една од опциите е поголема улога на унгарскиот МОЛ.

Унгарскиот министер за надворешни работи и трговија, Петер Сијарто, вчера во Белград, по средбата со српската министерка за рударство и енергетика Дубравка Ѓедовиќ Хандановиќ, најави дека МОЛ ќе го зголеми извозот на нафта во Србија 2,5 пати и порача дека Унгарија ќе ги искористи сите расположливи средства за да ѝ помогне на Србија во снабдувањето со нафта, пренесоа медиумите.

Вучиќ им се обрати на Американците: Вчера молев, денеска барам да се обнови лиценцата за НИС