Украинскиот фоторепортер откри: Мојата фотографија со Олена е тешка за гледање, но мораше да се направи
Фоторепортерот Волфганг Шван е човекот што ја фотографираше Олена Курило, учителка од Украина која стана симбол на трагедијата од руската инвазија. Шван смета дека неговата фотографија е тешка за гледање, но морала да се направи.
Фотографијата е направена на 24 февруари. Лицето на Олена е облеано во крв, по повреда од руски воздушен напад врз градот Чухуив. Нејзиниот дом бил целосно уништен. Таа била првата личност што Шван ја запознал кога пристигнал на местото на настанот.
„Одеше со раширени раце и беше дезориентирана. Мислам дека имаше потрес на мозокот. Ја фотографирав во моментот кога ја прашав како се вика. Една колешка се обидуваше да разговара со неа со помош на гугл транслејт“, изјави Шван за „Independent“.
View this post on Instagram
Не можел ни да претпостави дека неговата фотографија ќе стане вирална и ќе ја видат милиони луѓе ширум светот. Моментално е во контакт со ќерката на Олена, која му кажала дека нејзината мајка се чувствува стабилно по операцијата. Олена решила да се повлече од јавноста откако беше обвинета дека е актерка и дека нејзините рани се лажни.
„Олена не ги претставува само ужасите што им се случуваат на цивилите во војната. Поради пропаганда стана омразена затоа што е жртва“, изјави тој.
View this post on Instagram
Фоторепортерот вели дека се надева дека фотографијата ќе успее да помогне да се привлече вниманието на она што го носи војната.
„Најмногу страдаат цивилите. Ова се случува кога некој ќе одлучи да војува. Тешко е да се гледа фотографијата, но мораше да се направи. Во спротивно, ќе има само фотографии од мажи со оружје“, заклучил Шван.
View this post on Instagram