УЈП домаќин на Форум за борба против даночна евазија

фото: МИА

Управата за јавни приходи денеска и утре е домаќин на Форумот за имплементација на мерките за борба против даночната евазија (Base Erosion and Profit Shifting – BEPS).

Форумот, организиран од Меѓународната организација на даночните администрации (IOTA), го отвори директорката на УЈП Сања Лукаревска. Присутни се 54 учесници од даночни администрации од регионот, земји членки на ЕУ и останати даночни администрации, како и предавачи од Организацијата за економска соработка и развој (OECD).

УЈП е членка на IOTA од 1997 година и од тогаш активно учествува и организира различни настани во рамките на IOTA, а со цел подобрување на даночната легислатива и даночните процеси.

– Република Северна Македонија е 117 членка која се приклучи на инклузивната рамка на BEPS, и се обврза да имплементира четири минимум стандарди. Приклучувањето кон Рамката и даде на нашата земја можност да работи заедно на еднакво рамниште со другите земји од ОЕЦД и Г-20 за постојано спроведување на пакетот BEPS и за развој на понатамошни стандарди за решавање на преостанатите проблеми на BEPS. Овој настан ќе помогне и ќе придонесе за поголемо разбирање на процесот на имплементација на BEPS, како и почитување на меѓународно договорените стандарди, велат од УЈП.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот