Фудбалскиот натпревар меѓу репрезентациите на Аргентина и Шпанија, или познат како „Финалисима“, што требаше да се игра во Лусаил, Катар на 27 март, е откажан поради конфликтот на Блискиот Исток, објави УЕФА во неделата.

– По обемните дискусии меѓу УЕФА и организаторите во Катар, денес беше објавено дека, поради моменталната политичка ситуација во регионот, Финалисима не може да се одржи како што е планирано во Катар. УЕФА истражуваше други изводливи опции, но секоја на крајот се покажа како неприфатлива за Аргентинската фудбалска асоцијација – соопшти УЕФА.

Воедно, од УЕФА објаснуваат дека првата опција беше натпреварот да се одржи на „Бернабеу“ во Мадрид на истиот датум, со 50:50 навивачка база на стадионот.

– Ова ќе обезбедеше атмосфера од светска класа достојна за таков престижен настан, но Аргентина го отфрли ова. Втората опција беше Финалисима да се одржи во два натпревари, едниот на „Бернабеу“ на 27 март, а другиот во Буенос Аирес за време на меѓународната пауза пред Европското првенство и Копа Америка 2028, повторно со 50:50 навивачка база за натпреварот во Мадрид. Оваа опција исто така беше одбиена – стои во соопштението на УЕФА.

На крајот, УЕФА побара обврска од Аргентина дека, доколку може да се најде неутрално место во Европа, натпреварот може да се одржи на 27 март, како што е планирано, или на алтернативен датум на 30 март. Овој предлог исто така беше одбиен.

🚨 BREAKING: The Finalissima between Spain and Argentina has been CANCELLED.

Argentina did NOT want to play at the Bernabéu.

UEFA and AFA could not agree on another venue. @tjcope ❌ pic.twitter.com/YJJBQzroOD

— Madrid Zone (@theMadridZone) March 15, 2026