Првата рунда од војната УЕФА – Суперлига и припадна на Европската фудбалска федерација и тоа надмоќно. Благодарениe на нивните притисоци но и притисоците од ФИФА, англиската влада и навивачите, девет од 12 екипи се повлекоа од „лигата на богатите“, а сега УЕФА сака да ја „зацементира“ победата и одреди казни за суперлигашите.

Деветте екипи кои дефинитивно се откажаа од Суперлигата (Манчестер сити, Манчестер јунајтед, Челси, Ливерпул, Арсенал, Тотенхем, Атлетико Мадрид, Интер и Милан) се договорија со УЕФА да се откажат од пет проценти од приходите кои ќе ги заработат во Лигата на шампионите или Лигата на Европа наредната сезона и средствата ќе ги пренаменат за развој на детскиот фудбал.
Овие клубови исто така се обврзаа доколку некогаш учествуваат во натпреварување кое не е под капата на УЕФА да бидат казнети со 100 милиони евра, а доколку учествуваат во слична иницијатива тогаш ќе мора да платат 50 милиони евра.

Оваа спогодба не ја пријатија останатите три клубови кое сè уште се верни на Суперлигата, Реал Мадрид, Барселона и Јувентус. Засега УЕФА нема план што ќе прави доколку овие клубови останат на својот стат, но се шпекулира дека е можно да бидат суспендирани од Лигата на шампионите на две години.