Десет луѓе досега се уапсени во истрагата за петте тони марихуана од Македонија, која беше откриена во фабрика во село кај Крушевац во Србија, откри вечерва министерот за внатрешни работи Панче Тошковски во гостување на „Телма“.

Попладнево тие се изведени пред судија на претходна постапка и за дел од осомничените е определен притвор од 30 дена, рече Тошковски.

Тие се осомничени дека учествувале во транспортот на марихуаната од Македонија за Србија.

-Во текот на денешниот дени ќе се отпочне со поднесување кривична пријава до ОЈО за гонење организиrан криминал и корупција, која опфаќа 10 лица. Од нив двајца се веќе во притвор. Овие 10 лица се директно, или индиректно поврзани со произведена дрога. Денеска ќе биде поднесена кривична пријава. Имаме основани сомненија дека тие лица се поврзани со транспортот на дрогата, која беше запленета во Србија“, рече министерот за внатрешни работи Панче Тошковски во интервју за „ТВ 21“, што е прво негово појавување во јавноста каде одговара на прашања за петте тони марихуана откриени во Србија на крајот на јануари.