Хрватската полиција уапси двајца постари државјани на Република Северна Македонија под сомнение дека извршиле пет измами и тешка кражба, предизвикувајќи материјална штета од 200.000 куни, според сплитската полиција, пренесува Индекс.  

Станува збор за 76-годишен маж и 68-годишен маж од Република Северна Македонија кои извршиле пет кривични дела измама во август и септември на подрачјето на Сплит, Трогир и Примостен.  

Главни мети на измама им биле постарите лица. Двајцата Македонци извршиле тешка кражба во реонот на Дубровник, откако грабнале сума пари од раката на едно лице. 

Проценетата материјална штета предизвикана од овие кривични дела се проценува на околу 200.000 куни.  

За време на кривичната истрага, извршено е претрес на лично возило и стан во областа Омис, користени од осомниченото дуо, а по тој повод се пронајдени поголема сума на пари, неколку лажни златни часовници и неколку катанци.  

76-годишникот и 68-годишникот се предадени на надзорникот за притвор под сомнение дека сториле пет кривични дела измама и кривично дело тешка кражба.