Португалскиот тренер Жозе Мурињо стапил во контакт со челниците на Бенфика за да ги увери дека нема никаква поврзаност со видеото кое се појави на интернет, а во кое е прикажан облечен во дресот на Реал Мадрид. Според информациите на португалските медиуми, Мурињо објаснил дека станува збор за монтажа изработена со помош на вештачка интелигенција.

Контроверзната снимка била објавена на веб-страницата на Флорентино Перез во рамките на неговата кампања за нов претседателски мандат во Реал Мадрид. Во видеото, искусниот стратег е прикажан во опремата на мадридскиот клуб и кратко изговара само „да“.

Покрај тоа додадена беше и порака:

„Има уште многу историја што треба да се напише“.

Целиот случај дополнително привлече внимание бидејќи видеото се појави во момент кога противкандидатот на Перез, Енрике Рикелме, гостувал во телевизиска емисија каде што ги претставувал своите идеи за иднината на Реал Мадрид и плановите за засилување на тимот.

MOUcha historia por hacer. pic.twitter.com/7wLmDk8r2M

— Florentino 2026 (@Florentino2026_) June 3, 2026