Претседателот на фудбалскиот клуб Анкарагучу, Фарук Коча денеска е уапсен со уште две лица поради физички напад врз судијата на натпреварот против Ризеспор во турското првенство.

Турскиот министер за правда Јилмаз Тунч изјави дека Коча и уште две лица поради тоа што го нападнаа и повредија судијата Халил Умут Мелер по синоќешниот натпревар меѓу Анкарагучу и Ризеспор.

– Истрагата продолжува педантно – рече Тунч на социјалните мрежи. Одлучено е и да се прошири судската истрага за уште три лица.

Прекинато фудбалското првенство во Турција по скандалот на мечот Анкарагучу – Ризеспор

Синоќа Ризеспор израмни на 1:1 во седмата минута од судиското надополнување, по што имаше инциденти на теренот. Коча го удри судијата со тупаница по лицето, а додека тој лежеше на земја, судијата доби уште неколку удари.

Мелер треба да биде пуштен од болница во среда, бидејќи не претрпел сериозни повреди на лицето, објавија турските медиуми. Тој е судија на списокот на Меѓународната фудбалска федерација (ФИФА).

ВИДЕО: Претепаниот судија разговараше со претседателот на Турција Ердоган

Фудбалската федерација на Турција ги прекина натпреварите на турските лиги до понатамошно известување, а нападот врз судијата го осудија претседателот на Турција, Реџеп Таип Ердоган и претседателот на ФИФА, Џани Инфантино.

– Без судии, нема фудбал. Судиите, играчите, навивачите и членовите на стручниот штаб мора да бидат безбедни за да уживаат во играта. Ги повикувам властите да се погрижат тоа строго да се спроведува и почитува на сите нивоа – рече Инфантино.

За скандалот да биде уште поголем, Коча освои фер-плеј награда во турската Суперлига и тоа во 2022 година. Воедно, Коча е долго време во турскиот фудбал, а тој е еден од политичарите кои беа дел од турското национално собрание од 2002 до 2011 година. Роден и израснат во Анкара, која двапати ја претставуваше во Парламентот.