Прекинато фудбалското првенство во Турција по скандалот на мечот Анкарагучу – Ризеспор
Фудбалската федерација на Турција одлучи да го прекине првенството на неодредено време по нападот врз судијата на натпреварот Анкарагучу – Ризеспор.
Натпреварот од 15 коло на турската Суперлига заврши со резултат 1:1, а откако судијата Халил Умут Мелер означи крај, дојде до голем инцидент. Претседателот на Анкарагучу, Фарук Коча, влезе на теренот, му пријде на судијата и го удри со тупаница во главата.
Судијата падна на тревата, а потоа до него стигнаа бројни навивачи на домашниот тим, кои наизменично го клоцаа судијата на овој меч додека тој беше на земја.
𝐒𝐇𝐀𝐌𝐄𝐅𝐔𝐋!!!
From Turkey's Super Lig last night. Ankaragucu conceded in the 97th minute against Rizespor to end 1-1.
Ankaragucu president Faruk Koca then punched FIFA referee, #HalilUmut.pic.twitter.com/ZbajMQpCEh
— #UNPLAYABLE (@UnplayableZA) December 12, 2023
Фудбалската федерација на Турција свика вонреден состанок на кој беше одлучено првенството да се прекине на неодредено време, здружението на турски фудбалски судии ги повика членовите да го остварат своето право на повлекување, а не долго по срамните настани во главниот град на Турција, соопшти претседателот на оваа земја Реџеп Таип Ердоган.
– Го осудувам нападот врз фудбалскиот судија. Никогаш нема да дозволиме насилството да се меша во турскиот спорт – рече Ердоган.
Во болница е примен Халил Умут Мелер, а според турските медиуми уапсени се најмалку три лица, меѓу кои и претседателот на Анкарагучу.
