Тутунарите го блокираа магистралниот пат Прилеп-Градско, бараат реална процена на тутунот

Велат дека реагирале до инспекциските служби, но оти никој не презел ништо.

Дел тутунари од Прилепско денеска еден час го блокираа магистралниот пат Прилеп-Градско, на излезот од градот кон Плетвар барајќи, како што велат, реална процена на тутунот, а не за класа пониско како што е сега со што се оштетени производителите.

Според Љупчо Ѓорѓиоски, тутунар од Прилеп, неоткупени се околу 2 000 тони тутун.

-До новогодишните празници, тутунот се откупуваше многу реално, како што си ги носи класите. Сега се купува за класа пониско. Имаме голем проблем. Сакаме да ни се откупи по цена по која се купуваше реално, а не класа подолу, да се отворат сите пунктови и сите што откупуваа да го платат според реалната класа. Ништо повеќе не бараме. Дома имам 100 картони неоткупен тутун. И да се донеси закон за да не се увезува тутун, туку македонскиот тутун, тип „Прилеп”, да се откупува и реално да се плати. Сите компании имаат по еден пункт отворен и ни сугерираат која класа да го дадеме, вели Ѓорѓиоски.

Велат дека реагирале до инспекциските служби, но оти никој не презел ништо.

– Работам пет тони тутун. Имам уште неоткупени околу 80 картони со тутун. На пунктот ми одредува која класа двојка или трета класа, а тутунот е за прва. Воопштои не сум задоволен, а почна по новогодишните празници. не знам зошто, вели тутунарот Славе Илиоски.

Атанас Велјаноски, тутунар од прилепското село Галичани има вкупно род од 14 тони. Дома има уште пет тони.

– Не бараме ништо повеќе од реалната процена. Тутунарите кои имаат уште за откуп се оштетени и онеправдани, вели Велјаноски.

Според тутунарите, откупните компании не сакат да го дооткупат тутунот иако со нив имаат договори, а погласни се шпекулациите за тутун што се увезува. Битно им е велат, прво да се откупи домашното производство.

Тутунарите најавуваат протести и понатаму.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот