Турција треба да ја има во составот својата веројатно најголема ѕвезда кога в понеделник во Истанбул ќе се сретна со фудбалската репрезентација на Македонија.

Арда Ѓулер (21), младиот ас на Реал Мадрид, според најавите во турските медиуми, треба да е во составот на Турција предводен од клупата од Италијанецот Винченцо Монтела.

Напаѓачот беше околу еден месец на пауза поради повреда, а наводно Монтела изјавил дека тој е целосно закрепнат и дека ќе може да стартува против Македонија.

Стадионот во спортскиот комплекс „Фенербахче Шукру Сараџоглу“ ќе биде домаќин на пријателскиот натпревар в понеделник (19.30 ч). Целиот капацитет од над 50.000 е распродаден.

Македонија во тој дуел влегува по пријателскиот меч со Босна и Херцеговина, минатиот петок во Сараево, кој заврши 0-0.

Македонија ремизираше со БиХ на Кошево