Сите турски авиони Ц-130 ќе останат приземјени додека властите не ја утврдат причината за падот на турскиот воен транспортен авион во Грузија во вторникот, при што загинаа сите 20 турски војници во него, се вели во соопштението на Министерството за одбрана на земјата, пренесува Си-ен-ен турк.

Поточно, Министерството соопшти дека сите закажани летови на 18-те турски авиони Ц-130 се суспендирани во исчекување на завршувањето на инспекциите.

Во исто време, властите продолжуваат да ја анализираат црната кутија на авионот, која се наоѓа во Анкара.

Турското министерство соопшти дека е прерано да се утврди причината за несреќата оваа недела, додавајќи дека авионот е купен од Саудиска Арабија во 2012 година и дека бил подложен на потребни надградби, вклучително и последното одржување пред еден месец.

Тој исто така појаснува дека не носел муниција на последниот лет.

Ц-130 тргнал од Азербејџан кон Турција и се урна во вторникот.