Минатото лето Челси потроши дури 250 милиони евра на засилувања, но и тоа не беше доволно за да се направи шампионски тим.
Во текот на сезоната е сменет Френк Лампард, и на негово место на тренерската позиција дојде Томас Тухел кој го врати  Челси на победничките патеки, но сепак „сините“ се далеку од борбата за титулата. Поради тоа, сопственикот на клубот, Роман Абрамович одлучи на лето повторно да го одврзе кесето, но нема да инвестира само свои пари, туку трансферот ќе зависи и од продажбата на фудбалерите.

Томас Тухел на лето планира да се ослободи од дури девет играчи, а со парите од нивните трансфери ќе се обиде да го донесе најбараниот напаѓач во Европа, Ерлинг Халанд од Борусија Дортмунд.
Први кои ќе бидат продадени се играчите кои моментно се наоѓаат на позајмица и на кои Тухел воопшто не смета, а тоа се Фикајо Томори, Рубен Лофтус-Чик, Мичу Башуаи и Рос Баркли и за нив „сините“ веќе бараат купувачи.
Исто така на лето може да си заминат и Тами Абрахам, Емерсон Палмиери, Жоргињо, Кепа Аризабалага и Антонио Ридигер.
Според планот на Абрамович но и на Тухел, од продажбата на овие играчи се очекува екипата да заработи околу 200 милиони евра кои планира да ги вложи во Ерлинг Халанд.