Ако ви е преку глава да бришете прашина секој втор ден, постои едноставен трик што се користи во музеите со години, а сега можете да го примените и во вашиот дом. Станува збор за глицерин, течност што се покажа како исклучително ефикасна во задржувањето на прашината и продолжувањето на ефектот на чистењето. Ви ги претставуваме неколку практични начини да користите глицерин за чистење на вашиот дом и да ги одржувате површините блескави подолго од вообичаеното.

Пет начини на кои можете да користите глицерин за чистење на вашиот дом:

1. Брзо и ефикасно чистење на валкани подови

Додадете неколку капки глицерин во вода и користете ја оваа смеса за бришење на подовите.

2. Долгорочно отстранување на прашина

Додадете малку глицерин во водата, намокрете крпа со смесата и избришете ги површините. Благодарение на овој трик, прашината ќе остане невидлива најмалку 10 дена.

3. Отстранување на дамки од облека

Ставете неколку капки глицерин на дамката, а потоа исплакнете ја со вода во која сте додале малку сол. За дамки од чај, кафе или чоколадо, направете мешавина од глицерин и сол, нанесете ја на дамката и исперете ја по половина час.

4. Одржување на кожен мебел

За да отстраните гребнатини од кожен мебел, избришете ги со памучна крпа натопена со глицерин. Повторете го процесот два до три пати.

5. Миење прозорци

Измешајте глицерин и етанол во сооднос 1:10 и избришете ги прозорците со оваа смеса. Благодарение на овој метод, вашите прозорци ќе останат чисти долго време.

Благодарение на глицеринот, прашината помалку се собира и не се враќа најмалку 10 дена, дури и на места што се валкаат најбрзо.