Три реченици кои почесто треба да им ги кажувате на оние кои ги сакате
Ако сакате вашата врска, или било која релација, да биде среќна и здрава, морате да имате однос базиран на доверба и мора меѓусебно да се поддржувате со дела, но и со зборови.
Овие реченици не смеете да заборавите што почесто да ги изговарате на блиските.
Можам ли да ти помогнам?
За било-што да се работи, од миење садови до подготовка на тежок испит па до болест или сериозен животен проблем, на сите им е мило да чујат дека имаат некој на своја страна, некој кој сака да им помогне, дури и ако тоа веќе го знаат. Луѓето кои имаат одлични врски се тимски играчи и често си ја поставуваат реченицата – Како можам да ти помогнам?
Одлично изгледаш
Освен што ласка на егото, кога некој ќе ви каже „баш ти е убава денес косата“ или „супер ти стојат фармерките“ тоа значи дека таа личност ве забележува и сака да ве потсети дека ѝ се допаѓа тоа што го гледа.
Благодарам
Не забораваме да кажеме „благодарам“ на продавачката во дуќанот или на келнерот во ресторанот, зашто тоа би било дури и непристојно, но толку често забораваме да им кажеме „благодарам“ на блиските. Докажано е дека со изразување на благодарност за ситни, секојдневни работи кои партнерот ќе ги направи за вас, се зголемува задоволството и квалитетот на врската.