Александар Трајковски за хрватските медиуми откри дека неговата следна дестинација ќе биде Локомотива Загреб, со што македонскиот репрезентативец повторно се враќа во хрватскиот фудбал. Тој изјави дека е навистина задоволен што повторно ќе игра во Првата ХНЛ и дека овојпат ќе го брани дресот на Локомотива.

„Драго ми е што ќе бидам дел од Локомотива, клуб што добро го познавам уште од периодот кога настапував за Хајдук. Се поклопија потребите и на клубот и мои и верувам дека оваа соработка ќе биде успешна за двете страни“, рече Трајковски.

Иако од Загреб сè уште нема официјална потврда за трансферот, се очекува клубот многу скоро да го објави неговото ангажирање.

Преземено од: Спорт.ком.мк