Тошковски: Лицата кои наполниле 18 години и немаат лична карта утре ќе можат да се фотографираат без термин
Во пресрет на изборите, Министерството за внатрешни работи ги повика сите граѓани кои наполниле 18 години утре да се упатат кон пунктовите низ државата за да се фотографираат за лична карта која ќе биде изработена во разумен рок за да можат да го оставарт своето гласачко право. Министерот Панче Тошковски денеска изјави дека се работи за околу 500 лица и постапката може да се заврши за еден ден.
Во однос на динамиката на изработка на личните документи, Тошковски рече дека моментално се работи со целосен капацитет, но и дека не очекува да се зголеми во перидот што следи.
– За издавање на пасошот по итна постапка се чека пет до седум дена додека, по редовна постапка за околу два месеци. Да не се лажеме, тоа се капацитетите, изјави Тошковски по посетата на СВР Скопје.
МВР вчера соопшти дека организира фотографирање за лични документи без закажан термин во подрачните канцеларии за управни работи низ државата за граѓаните кои наполниле 18 години, а немаат никаков биометриски документ, ниту лична карта ниту пасош.
Фотографирањето ќе се одржи на 6 април во перод од 8 до 15 часот.
-Ги повикуваме граѓаните кои наполниле 18 години, а немаат никаков биометриски документ, да дојдат во сабота во подрачните канцеларии за управни работи низ државата, за да бидат фотографирани и навремено да им биде изработен личниот документ, со цел да можат да го остварат своето право на глас на претстојните избори, се вели во соопштението од МВР.
Лицата кои наполниле 18 години и немаат личен документ ќе се фотографираат без термин