Во Бангкок е отворено уникатно кафуле со име „Corgi In The Garden“ кое на своите посетители им нуди неверојатно доживување, дружење со кученца од расата корги.

Сопственичката ја добила оваа идеја бидејќи и самата е љубител на оваа раса, откако добила голем пород од нејзината миленичка.

Во ова кафуле има 12 преслатки кученца од расата корги. За кратко, уникатниот локал стекнал голема популарност и кај туристите, но и кај локалните жители.

Кој и да дојде, си заминува среќен и со насмевка. Сепак, сопственичката води строг распоред на работата, а дружењето со кученцата чини симболична сума, со цел да може да им се обезбеди прехрана и да не се трауматизираат. Но, посетителите некогаш се спремни да платат и поголема сума со цел овие кученца да имаат убав живот.

Поради ограничениот број на места, кафулето не прифаќа резервации и работи на принципот кој прв ќе дојде, ќе биде прв услужен.

Нешто повеќе за оваа популарна раса

Расата корги е една од најобожаваните во светот, поради нивниот пресладок изглед и уникатен карактер. Тие се и многу лојални кон своите сопственици.

Оваа раса ѝ е омилена и на кралицата Елизабета Втора, која отсекогаш имала најмалку едно кученце корги како милениче.

Постојат два вида корги – пемброк и кардиган. И двата вида потекнуваат од Велс. Во кафулето се чуваат корги од видот пемброк, кои се и попопуларни меѓу одгледувачите на оваа раса.

Работното време на кафулето е од вторник до петок од 12 до 18 часот, додека во сабота и недела работи од 10 до 18 часот.

Максималниот број на гости е околу 50, а имаат вкупно 22 масички за кафе.

На секој час се прави пауза од примање гости, за да можат кученцата да се одморат и да соберат енергија за следното дружење со гостите.

Извор на фотографии: Фејсбук-страница „Corgi In The Garden“.

Прочитајте и која храна не смеете да ѝ ја давате на вашата мачка.