Поранешниот напаѓач на Арсенал и Барселона, Тјери Анри, сега ТВ-коментатор, изјави дека Лионел Меси треба да се врати во каталонскиот гигант.

– Меси мора да се врати во Барселона поради љубовта кон фудбалот и поради начинот на кој го напушти клубот – изјави Анри за „Прајм Видео Спорт Франс“ пред натпреварот помеѓу сегашниот тим на Аргентинецот Пари Сен Жермен и Олимпик Лион.

ПСЖ загуби со 0:1 на домашен терен во 29 коло од француската „Лига 1“.

Пред средбата, кога беа објавени имињата на фудбалерите на Пари Сен Жермен, се слушнаа свирежи од дел од фановите на парижаните кон Меси.

– Вознемирувачки е да се слушнат овие свирежи. Не можете да исвиркате еден од најдобрите играчи, ако не и најдобриот играч во тимот со 13 гола и 13 асистенции. Сакам да го видам Лионел Меси како ја завршува кариерата во Барселона – рече Анри кој беше соиграч на Меси токму во редовите на клубот од „Камп Ноу“.