За време на пандемијата бројни музички ѕвезди си најдоа по некое хоби за деновите поминати без настапи и публика да поминуваат побрзо.

Пејачката Тијана Дапчевиќ се пофали колку е вешта во кујната, но притоа и прокоментира за „Јутјуб“ каналот на нејзината колешка Марија Шерифовиќ која за време на пандемијата се посвети на влогерството.

– Ништо не ме радуваше за време на оваа пандемија, но сепак се посветив на правење различни јадења, изјави Тијана Дапчевиќ во гостувањето на шоуто „Гранд магазин“.

Тијана потоа се осврна на новата „професија“ на нејзината колешка Марија Шерифовиќ, која започна да снима популарни видео, во која покажува како ги поминува своите денови.

„Мара да се држи за микрофонот“, кажа Тијана како шега и додаде:

„Марија е уметник, музичар, пејачка и никогаш нема да биде влогер, тоа е само момент на креативност“, додаде Тијана.