Седумдесет и четири годишен тетовец бил пронајден починат во хотел на подрачјето на Бит Пазар во Скопје, соопшти Министерството за внатрешни работи.

„На 1 јуни околу 11:40 часот во СВР Скопје било пријавено од Итната медицинска помош дека во хотелот е пронајдено безживотното тело на З.Ј. (74) од Тетово, кој престојувал како гостин. Лекар од Итната медицинска помош констатирал смрт, при што не биле забележани видливи траги на насилство“ соопшти МВР.

На местото бил извршен увид од надлежните служби, а по наредба на јавен обвинител телото на починатиот е предадено на обдукција, која треба да ги утврди точните причини за смртта.

Од МВР информираат дека се преземаат сите потребни мерки за целосно расчистување на случајот.

Газда на скопска кафеана истепал бивш вработен откако се скарале за исплата на дневници