Сонцето во овие зимски денови барем за миг во нас ја буди желбата пролетта да дојде што побрзо. Тоа е знак дека ни треба будење, дека е време да ѕирнеме во себе, без разлика што сè може да најдеме таму.

Во секој од нас свири тивка музика, мелодија од нашите вистински желби, стравови и надежи. Но метежот на секојдневието, бескрајните обврски и бучавата од туѓите мислења често ја надгласуваат, па престануваме да ја слушаме. Продолжуваме да трчаме, да се смееме и да глумиме, а некаде длабоко во себе чувствуваме дека нешто не е како што треба. Како да не го живееме сопствениот живот.

Обидете се за момент да ја чуете тишината. Направете го овој тест, не е испит, туку едноставен начин да ѕирнете во вашиот внатрешен свет. Од научен аспект, психолошкиот тест е метод за мерење и проценка на различни аспекти од човечкото однесување, способности и карактерни особини. Овој тест не е медицински совет, туку е наменет за едукација и забава.

Погледнете ги четирите пера и одберете едно без да размислувате премногу, верувајте му на тивкиот импулс.

Перо 1: Полната вредност на моментот

Овој избор најчесто го прави душа што интуитивно тежнее кон хармонија. Но парадоксот е што таа хармонија не ја бара во идни достигнувања, туку во она што веќе го има. Како потсвеста нежно да ви става рака на рамо и да вели:
„Почекај. Забави. Погледни колку многу веќе имаш“.

Во свет опседнат со постигнувања, навикнати сме среќата да ја мериме со она што ни недостига, нова работа, нов стан, ново патување. Трчаме бескраен маратон, а целта постојано се поместува.

Овој избор е знак дека вашиот внатрешен сад е веќе полн. Само можеби сте го заборавиле тоа, гледајќи ги туѓите „успеси“. Тоа е потсетник на вредноста на едноставните, невидливи богатства, здравјето што ви дозволува да се разбудите наутро, топлината на блиските која не се купува со пари, минутата тишина со шолја чај, смеата на вашите деца…

Ова перо не е повик да се откажете од соништата, туку да пронајдете цврсто тло под нозете и да чекорите напред не од чувство на недостаток, туку од чувство на изобилство. Дозволете си да не посакувате, туку едноставно да бидете благодарни.

Перо 2: Енергија на промена

Ова е избор на душа што личи на силно затегната пружина. Во вас се насобрала огромна енергија која очајно бара излез. Можете долго да се убедувате дека сè е во ред, дека животот ви е стабилен и сигурен. Но длабоко во себе чувствувате дека таа стабилност е како застојана вода, удобна, но без живот.

Можеби долго се чувствувате како брод врзан во мирно пристаниште, а чии едра се создадени за долго патување. Го имате надраснато работното место, врската или старите претстави за себе. Чувствувате немир, желба да ги раширите крилјата, но нешто ве кочи, стравот од непознатото или чувството на должност.

Вашата потсвест буквално вика:
„Престани да чекаш! Енергијата е на врвот. Сега или никогаш“.

Ова не мора да значи голема промена како преселба во друга земја. Можеби значи конечно да се запишете на часови по танц што ги одложувате со години. Или да го започнете тешкиот, но неопходен разговор. Или едноставно да си дозволите похрабро да сонувате. Ова перо ви кажува дека вашиот внатрешен мотор е загреан и подготвен за полетување.

Перо 3: Ослободување

Овој избор е како звукот на клуч што отвора кафез во кој долго време била затворена убава птица. Вашата потсвест ви зборува за длабока и итна потреба од слобода, не надворешна, туку внатрешна. Слобода да бидете тоа што сте.

Веројатно имало долг период во кој сте носеле „маска“, да бидете практична ќерка, совршен родител, добар работник, пријател што сè разбира. Можеби сте станале толку вешти во исполнување на туѓите очекувања што сте заборавиле кои сте навистина.

Колку зборови сте проголтале за да не повредите некого? Колку соништа сте скриле бидејќи ви изгледале „глупави“ или „не во вистинско време“? Колку пати сте рекле „да“, кога душата ви викала „не“?

Овој избор е знак на голем внатрешен замор, но и на акумулирана сила. Сила да ја тргнете маската. Да си дозволите да чувствувате она што навистина го чувствувате. Да зборувате со својот глас, дури и ако на почетокот трепери.

Вашата потсвест ве уверува:
„Можеш. Повеќе не мораш да бидеш удобен за сите. Светот е подготвен да те слушне“.

Перо 4: Храброста на создавачот

Со ова перо, потсвеста нежно ви укажува на богатството што го криете, од светот, но најмногу од себе. Вие сте личност со чувствителна душа и ум полн со цели универзуми. Гледате убавина таму каде што другите поминуваат рамнодушно, слушате музика во дождот и можете да создадете нешто уникатно.

Но постои проблем, ризницата е заклучена, а клучот се вика страв. Страв од осуда, од критика, од тоа дека вашето дело нема да биде „доволно добро“. Внатрешниот критичар ви шепоти дека е подобро ништо да не направите, отколку нешто несовршено.

Пишувате „за фиока“, смислувате идеи и веднаш ги отфрлате, сонувате, но се плашите од првиот чекор.

Изборот на ова перо е тивко, но упорно тропање на вратата. Потсвеста ве моли:
„Престани да чекаш да бидеш совршен. Твојата креативност е вредна токму сега“.

Дозволете си да бидете „несовршен“ создавач. Напишете една страница. Направете една скица. Испејте една песна, дури и ако е фалш. Ова е повик да го ослободите внатрешниот уметник кој долго чекал и речиси изгубил надеж.

И без разлика што ви кажува потсвеста, запомнете, веќе имате сè што ви е потребно за да бидете цели и среќни. Понекогаш, само треба да се потсетите на тоа.