Неодамна беше објавено дека Цибона го започнува процесот на трансформација во спортско акционерско друштво, за што има рок од 45 дена, пренесуваат хрватските медиуми.

Долгот на хрватскиот кошаркарски клуб е пет милиони евра, но два милиони би биле претворени во акции за долгот да се намали на три милиони.

Цибона, некогашниот гигант на хрватската и европската кошарка, заврши во стечај. Овој клуб е на 120 ден во блокада, па заврши во стечај.

А стечајот значи дека клубот може да ја започне сезоната со само петмина сениори од минатата сезона и голем број јуниори.

– По долга серија години различни бизниси, лоши вести и негативни написи, сакам да ја претставам можноста за трансформирање на клубот во спортско акционерско друштво како трајно решение. Секако, за да се постигне тоа, важно е да се поминат одредени чекори според правилникот, кој произлегува од новиот Закон за спорт, кој се очекува да биде донесен деновиве. Ние спроведуваме истражување на пазарот и нашиот извештај, кој е во напредна фаза на развој, и мора соодветно да се прилагодиме на тоа – рече неодамна директорот на клубот, Томислав Шериќ.