Темелко повторно ќе се кандидира за градоначалник на Пустец
Централната изборна комисија на Албанија ја верификува кандидатурата на Едмонд Темелко за градоначалник на општина Пустец.
Комисијата ја прифати и кандидатската листа за советници во Советот на општината предложена од партијата на Едмонд Темелко, Македонска алијанса за европска интеграција (МАЕИ).
Носител на кандидатската листа за Советот е Јордан Ставре од селото Туминец.
На локалните избори што во Албанија ќе се одржат на 30 јуни, МАЕИ со свои кандидати настапува единствено во општина Пустец.
Едмонд Темелко, кој е актуелен градоначалник на Пустец, ќе се трка за четврт мандат. Првпат на функцијата градоначалник на Пустец беше избран во 2007 година, а по втор и трет пат реизбран на изборите во 2011 и 2015 година. Тој е обвинет во неколку случаи на Специјалното јавно обвинителство.