Продолжението на неговата кариера и клубот кој ќе го избере Лионел Меси се очекува да биде главна тема во летниот преоден рок.

Наводно Аргентинецот нема да го продолжи договорот со ПСЖ, кој го суспендираше играчот поради патувањето во Саудиска Арабија. Во меѓувреме, на тренингот на францускиот шампион се приклучи и Меси.

А токму Саудиска Арабија е потенцијалната дестинација на Меси. Шпански „Ел Чирингито“ вчера објави дека Меси ја прифати понудата на Ал Хилал вредна 300 милиони евра, додека АФП денеска објави дека поранешниот играч на Барселона кариерата ќе ја продолжи во Саудиска Арабија.

По сите овие медиумски шпекулации, реагираше таткото и агентот на Меси, Хорхе, кој демантираше дека неговиот син нашол клуб за следната сезона.

– Ништо не е договорено, ништо не потпишавме. Ќе одлучиме на крајот на сезоната. Но, повторувам, ништо не е потпишано и не е постигнат никаков вербален договор. Објавени се лажни вести – вели таткото на Лионел Меси.

Меси добитник на наградата Лауреус за спортист на годината во 2022