Меси добитник на наградата Лауреус за спортист на годината во 2022
Лионел Меси е добитникот на престижната награда Лауреус за најдобар спортист на 2022 година.
Меси го освои Светското првенство со „Гаучосите“ и тоа е главната причина што вторпат во кариерата стигнува до оваа награда. Истата награда претходно ја доби 2019 година, но тогаш мораше да ја дели со британскиот возач во Формула 1, Луис Хамилтон.
„Многу сум среќен што овојпат сум дел од церемонијата, уште повеќе поради тоа што се одржува во градот во кој живеам. Сакам да уживам во оваа награда после она што го доживеав во Катар“, изјави Аргентинецот.
Светското првенство како што е познато беше и единствениот голем трофеј кој му недостасуваше во неговата голема кариера, а го освои благодарение на победата против Франција во финалето. Конкуренти на Меси му беа Килијан Мбапе, Роџер Федерер, Макс Верстапен и Стеф Кари.
History maker! Lionel Messi is the first ever athlete to win the Laureus World Sportsman of the Year and Laureus World Team of the Year Awards in the same year.#Laureus23 pic.twitter.com/WJeaBghAMA
— Laureus (@LaureusSport) May 8, 2023
Во женска конкуренција оваа награда ја освои спринтерката Шели-Ен Фрајзерс-Прајс. Кристијан Ериксен беше добитник на наградата за камбек на годината, додека младиот тенисер Карлос Алкараз го доби признанието за „откритие“ на годината.