Тежок инцидент кој можел да заврши трагично се случил вчера кај скопското село Сарај, кога човек од селото Ласкарци пукал кон објект во изградба кој го гради неговиот син, а во инцидентот учествувал и братот на напаѓачот, односно чичкото на 29-годишниот сопственик на фирмата, соопшти МВР. Причината, според полицијата, биле „претходни деловни недоразбирања“.

„На 02.06.2026 околу 14:30 часот во СВР Скопје, Е.М (29) од с.Ласкарци, скопско, пријави дека во негов објект во изградба на патот Сарај-Матка, каде работел со негов пријател, дошле неговиот татко Е.М.(57) и неговиот чичко С.М.(45), со кои што имал претходни деловни недоразбирања, а откако им рекол да го напуштат објектот тие со пиштол и ловечка пушка почнале да пукаат кон објектот и го оштетиле неговото патничко возило. По преземени мерки полициски службеници од СВР Скопје го лишија од слобода Е.М., а при извршен претрес во неговиот дом со судска наредба биле пронајдени и одземени две ловечки пушки и патрони. Се преземаат мерки за целосно расчистување на случајот, по што ќе следува соодветна пријава“, велат од МВР.

ВИДЕО | „Не сум виновен“, рече бодигардот на премиерот Мицкоски, Ангел Самараков, обвинет за одавање службена тајна на Благоја Коруноски