Тагува Сити, но и Баерн: Сане на терените после Нова година! – Слободен печат
СпортФудбал

Тагува Сити, но и Баерн: Сане на терените после Нова година!

Офанзивниот играч за врска на Манчестер сити, Лерој Сане се повреди во првата фаза на натпреварот од Суперкупот против Ливерпул.

После лекарските анализи се објавија информации дека Сане долго време ќе биде надвор од теренот.

Првите најави дека премиерлигашкиот шампион ќе биде без германскиот репрезентативец во првиот дел од сезоната, ќе биде „аут“ шест-седум месеци, ако се земе предвид дека играчот ќе подлегне на хируршки зафат на лигаментите на десното колено.

Оваа информација ги шокираше и германските фудбалски шампиони кои минатата недела речиси го имаа на своите раце играчот за кого беа подготвени да одвојат рекордна сума на пари.

Тоа што е сигурно, Сане ова лето нема да замине во екипата на Баерн Минхен поради сериозната повреда. Менаџерот на Сити, Пеп Гвардиола нема намера да се ослободи од услугите на својот играч и се надева дека после Нова година ќе му биде на располагање.

Да додадеме уште дека за Сити 12 милионски договор потпиша Педро Поро од Жирона, но Гвардиола веднаш го испрати на позајмица во Реал Ваљадолид. Десниот бек на шпанскиот клуб играл и за репрезентацијата на Шпанија на Европското првенство и еден е од играчите кој ветува многу во иднина.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close