Фудбалерите на Ајакс со 3:1 славеа на гостувањето кај Гронинген во рамки на 28 коло од холандската Ередивизија, а во центарот на вниманието беше капитенот на шампионот, Душан Тадиќ кој беше погоден со чаша со пиво во главата.

Навивачите на Гронинген, клуб за кој Тадиќ играше две години му приредија пеколен пречек на српскиот репрезентативец, секој негов допир со топката беше испратен со свирежи, а потоа го погодија со часа во главата.

Dusan Tadic krijgt tijdens #groaja beker bier op zijn hoofd… vraagt het publiek om meer te gooien https://t.co/AhPBnOzlHS pic.twitter.com/H5uhp3haLq

— Voetbalflitsen (@vtbflitsenwtf) April 2, 2022

Имено, Тадиќ прво му асистираше на Дејви Класен за израмнување на 1:1, а потоа во седмата минута од судиското продолжение во првото полувреме, постигна гол од пенал за водство на Ајакс од 1:2.
Погодокот го прослави така што го стави прстот на устата и се сврте кон домашните навивачи и по неколку секунди беше погоден со часа со пиво во главата.

– Секогаш ќе зборувам дека Ајакс е мојот тим од соништата, но Гронинген и Твенте се мои поранешни клубови и секгаш ќе бидат во моето срце. Никогаш не сум ги славел головите против Гронинген, ниту како играч на Твенте ниту сега како член на Ајакс. Но, не заслужив ваков третман од навивачите, барем јас мислам дека така – изјави Тадиќ.