Украинската тенисерка Елена Свитолина денеска ја победи Американката Коко Гоф со 2:1 во сетови во финалето на мастерсот во Рим, Италија, со 6:4, 6:7. 6:2.

Гоф влезе подобро во мечот во првиот сет, уште на почетокот го одзеде сервисот на противничката, а потоа беше сигурна во својот сервис и поведе со 2:0. Свитолина возврати, беше успешна на свој сервис, а потоа дојде и до брејк за израмнување на 2:2. Сепак, Гоф повторно направи брејк на сервисот на противничката, а на свој сервис поведе со 4:2. Сепак, следуваше нов пресврт, уште поголем на Украинката која врза четири гема и го доби првиот сет со 6:4.

Свиолина продолжи во ист ритам, постојано го напаѓаше сервисот на противничката, и лесно го доби својот. На 4:4, сега сервисот на Свитолина беше загрозен од нејзината противничка. Таа доби една можност за брејк, но Украинката не ѝ дозволи на Гоф да стигне до брејк. Во следниот гем, по уште една голема борба, Гоф го добива сервисот за израмнување – 5:5.

Гоф доаѓа до нов брејк на сервисот на противничката и имаше можност со својот сервис да го одлучи вториот сет во своја корист. Сепак, Украинката влезе одлично во следниот гем и брзо стигна до три последователни шанси за брејк, ја искористи втората и така го донесе сетот до тај-брејк кој Гоф го доби со 7:3.

Противничките успеаја да освојат по два сервиса во решавачкиот трет сет. Потоа Свитолина направи брејк и стигна до предност од 3:2. Украинката потоа беше сигурна во својот сервис – 4:2. Со уште еден брејк, Свитолина стигна до големи 5:2.

Во следниот гем, Свитолина не успеа да искористи неколку меч топки. Сепак, ја искористи третата и стигна до својата трета титула во Рим, претходните две ги освои во 2017 и 2018 година.