Сузана Манчиќ: Бев најмногу платена во историјата на српското издание на Плејбој
Најпопуларната Лото девојка на просторот на поранешна Југославија, Сузана Манчиќ, прозборе за своите додворувачи и фотографирањето за насловната страница на српското издание на „Плејбој“ во 2004 година, пренесува „Информер“.
Сузана призна дека во минатото мажите биле спремни да прават секакви луди работи само за да го привлечат нејзиното внимание или, ако имале среќа, да го освојат нејзиното срце.
Сепак, како што вели, откако го запознала сегашниот сопруг, Симеон Окомокос, додворувачите се „разредиле“.
„Еден од моите додворувачи изиграваше Ромео, па се качи на балконот од мојата соба. Тоа беше навистина лудо! Се случуваше некои да заспијат во мојот лифт додека ме чекаа да се вратам дома. Многумина ми оставаа цвеќиња на автомобилот…“, изјави Сузана.
View this post on Instagram
„Тоа не беа некои непознати луѓе или лудаци од улица, туку мажи со кои подоцна бев во врска, на кои им значев. Затоа избраа толку оригинални начини да ми го покажат тоа. И денес имам додворувачи, но морам да бидам искрена, многу помалку од порано, а фактот што сум мажена менува сè“, додаде таа.
View this post on Instagram
Поранешната Лото девојка ја коментираше и нејзината фотосесија за насловната страница на српското издание на „Плејбој“ од 2004 година, која крена голема прашина во јавноста.
„Околината ме осуди, но пријателите и членовите на семејството ми рекоа дека тоа е исклучителен едиторијал. И не бев целосно гола, имаше и цвеќиња. Повеќе не би се сликала за таков магазин. Не можам да ви кажам колку заработив од тие фотографии затоа што сум должна да ја чувам таа информација во тајност. Можам само да кажам дека бев најмногу платена во историјата на српското издание на Плејбој“, изјави Сузана.