Суспендирани две фудбалски федерации поради мешање на политиката!
Светската фудбалска куќа (ФИФА) денеска ги суспендираше фудбалските федерации на Пакистан и Чад, поради спорови околу нивното управување.
ФИФА ја суспендираше Пакистанската фудбалска федерација (ПФФ) за мешање со трети лица во работата на Федерацијата, а исто така и Фудбалската федерација на Чад (ФТФА) со непосреден ефект поради мешање на тамошната Влада, се вели во соопштението на ФИФА.
Група фудбалски официјални лица предводени од Ашафак Хусеин, кој беше избран од Врховниот суд во 2018 година да ја предводи ПФФ, но не беше призната од ФИФА, го презеде седиштето на Пакистанската федерација минатиот месец. ФИФА исто така го суспендираше Пакистан за мешање на трети страни во 2017 година.
FIFA suspends Chad and Pakistan football associations
— FIFA Media (@fifamedia) April 7, 2021
Министерството за млади и спорт во Чад ги одзеде овластувањата на Федерацијата на 10 март поради загриженост за начинот на водење и нарушување на управувањето . Минатиот месец, Конфедерацијата на африканскиот фудбал го дисквалификуваше Чад од Африканскиот куп на нации поради спорови.
Суспензијата на ФТФА ќе биде укината откако ќе бидат укинати релевантните владини одлуки, а ФТФА и неговото раководство, предводени од претседателот Моктар Махамуд Хамид, потврдуваат до ФИФА дека просториите на Федерацијата се под нивна контрола.
Суспензијата значи дека земјите нема да добиваат средства од ФИФА и ќе им биде забрането официјално наддавање, додека развојните проекти исто така ќе бидат во мирување.
