Судот застана на страната на актерот: Џони Деп побара доказ дека Амбер Херд ги донирала седумте милиони долари од разводот
Актерот Џони Деп „извојува“ нова победа во судската битка против поранешната сопруга Амбер Херд, односно беше прифатено неговото барање да се докаже дека актерката го исполнила ветувањето дека ќе ги донира седумте милиони долари што ги доби од него по разводот.
Актерската двојка се разведе во 2017 година, но до оваа година се водеше судската битка, во која двајцата меѓусебно се обвинуваа за малтретирање.
„Господинот Деп е благодарен што судот го одобри неговото барање да се отворат документите со кои ќе се докаже дали Амбер ги донирала парите од нивниот развод во 2017 година“, изјави адвокатот на актерот.
Деп се решил на ваков потег откако неговите адвокати дошле до докази дека наводно Амбер излажала дека ќе ги донира сите пари во детската болница во Лос Анџелес.
Според ЕндруКалдекот, еден од адвокатите на Деп, Амбер кажала „искалкулирана и манипулативна лага“ дека ќе донира во хуманитарни цели, само со цел да го победи актерот и да создаде лоша слика за него.
Деп го загуби случајот и против британскиот весник „Сан“ кога судијата пресуди дека насловот во кој се пишуваше за него како за „тепач на жени“ е делумно точен.
Адвокатите на Херд инсистираат дека таа не лажела за донацијата, бидејќи направила договор да ги исплати парите постепено во тек на следните десет години.
„Досега таа направи неколку уплати за таа цел“, тврди Адам Волански, адвокат на актерката.