Два воза се судриле во четвртокот во близина на селото Бјалосливје, во западно-централниот дел на Полска, а според првичните информации има и повредени. На местото на несреќата биле испратени бројни спасувачки екипи, објави ТВН24.

Две лица се повредени, на терен се 16 противпожарни екипи

Порталот на полската телевизија од Познањ објави дека во несреќата се повредени две лица. На местото на настанот биле упатени шеснаесет противпожарни екипи.

Засега не е јасно кои возови учествувале во судирот

Првичните информации наведуваа дека станува збор за судир меѓу патнички и товарен воз. Сепак, снимките што ги објави телевизиската куќа „ТВН24“ покажуваат, како што изгледа, два патнички воза.

На снимките се гледа дека дел од вагоните излетале од шините, а на социјалните мрежи биле објавени и сцени од луѓе кои стојат покрај пругата и покрај вагоните излезени од шините.

Минатата година возовите во Хрватска доцнеле повеќе од 100 дена, дел од патниците добиле отштета