Европската фудбалска федерација денес ги објави имињата на судиите кои ќе судат на последните натпревари во европските натпреварувања.

Манчестер Сити и Интер на 10-ти јуни во Истанбул ќе играат за најпосакуваниот трофеј, Лигата на шампионите, а денес УЕФА потврди дека главен судија на тој натпревар ќе биде Полјакот Симон Марчинијак. Марчинијак го судеше и финалето на Светското првенство во Катар како реваншот помеѓу Манчестер Сити и Реал Мадрид пред една недела.

На 42-годишниот судија ќе му помагаа неговите сонародници Павел Соколнички и Томаш Листкиевич, четврти судија ќе биде Романецот Иштван Ковач. За ВАР собата ќе бидат задолжени Томаш Квајтовски, Бартош Франковски и Марко Фриц.

Во второто по ранг европско натпреварување каде што ќе се сретнат Севилја и Рома за главен судија е назначан Ентони Тејлор.

Судијката Черли Фостер е избрана да дели правда во женското финале од Лигата на шампионите во кое силите ќе ги одмерат Барселона и Волфсбург.