СУДЕЊЕ КАКО ВО КОМЕДИЈА: Во француски град обвинет петел
Во градот Рошфор во југоисточна Франција, денеска започна необично судење на петел и неговата сопственичка, поради преголема бучава од неговото утринско пеење, јавуваат француските медиуми.
Сопственичката Корин Фесо во изјава за медиумите кажала дека ако петелот Морис умеел да зборува, сигурно би рекол: „Оставете ме на мира и пуштете ме да си пејам“.
Иако Морис не се појавил во судот, пред судницата протестирале неговите поддржувачи, односно одгледувачи на живина кои дошле со петли во знак на поддршка.
Одлуката ќе биде донесена на 5 септември, а дотогаш судијата оставил простор за принципиелно помирување. Доколку тоа не се случи, судскиот процес во кој соседите ја пријавиле Корин и нејзиниот петел за бучава, продолжува и понатаму.