По средното општинско училиште Гимназија „Мирче Ацев“ Прилеп кое пред две недели донесе и објави правилник за надворешниот изглед на учениците во гимназијата, на иницијативата се приклучи и средното училиште „Јане Сандански“ од Струмица.

Според донесените правила забрането е да се оди на училиште во маици на прерамки, хеланки, кратки панталони, маици, искинати фармерки и пантолони, тренерки и кратки здолништа. Исто така на учениците им е забрането да носат пирсеви и долги нокти.

Пред две недели прилепската гимназија Мирче Ацев донесе и објави правилник за надворешниот изглед на учениците во гимназијата. Покрај забраната да се оди на училиште во маици на прерамки, хеланки, бермуди, шорцеви, кратки пантолони и маици, искинати фармерки и пантолони, тренерки и кратки здолништа, девојките треба да бидат со уредна и прибрана фризура без разлика на должината на косата, без шминка и лакирани нокти, а машките без долга коса, репче и брада.

Прилепската гимназија им забрани на учениците да носат искинати фармерки, пирсеви и кратки сукњи