Соочени со нови тензии со Вашингтон, вклучувајќи ја и најавата на американскиот претседател Доналд Трамп за зголемени царини врз европската автомобилска индустрија и евентуалното повлекување на американските трупи од Германија, германскиот канцелар Фридрих Мерц и неговата влада сè повеќе се потпираат на испробана дипломатска стратегија – омекнување на реториката и насочување на пораките кон она што Трамп сака да го чуе, објавува Политико.

Наместо отворена конфронтација, Берлин во моментов избира пристап во кој на американскиот претседател му се дава делумно право, со обид да ги стабилизира односите преку политичко смирување и нагласување на заедничките интереси.

Најочигледниот пример за таков пристап дојде директно од канцеларот.

Коментирајќи го спорот меѓу ЕУ и САД околу трговскиот договор, Мерц практично застана на страната на Трамп.

„Трамп е малку разочаран што ние во ЕУ сè уште не сме го финализирале договорот – искрено, со право. Тој станува нетрпелив затоа што во август минатата година се договоривме со САД да склучиме трговски договор, но од европска страна постојано се поставуваат нови услови, а ние сè уште не сме го потпишале. Затоа се надевам дека ќе можеме да постигнеме договор што е можно поскоро“, рече Мерц во телевизиско интервју.

САД се „понижени“ од Иран, вели Мерц и предупредува дека конфликтот нема да заврши наскоро

САД се „понижени“ од Иран, вели Мерц и предупредува дека конфликтот нема да заврши наскоро