Штипскиот угостител Стојанче Зарков викан „грофот“ денеска е осуден на доживотна затворска казна за убиство на неговата 84-годишна мајка Марија Заркова. Пресудата во Основниот суд Штип денеска ја изрече судијата Сашко Георгиев во отсуство на Зарков кој е во притвор во затворот Куманово.

Обвинетиот двапати во текот на процесот тврдеше дека не се сеќава дали ја убил мајка му.

Убиството се случи на 8 август лани, во 2 часот по полноќ, кога Зарков се јавил на бројот за итни повици. Средството со кое е извршено кривичното дело е нож, кој претходно од страна на угостителот бил користен и при вршење кривични дела поврзани со семејно насилство.

Зарков неколку пати е суден за сторени кривични дела семејно насилство врз неговите сега починати родители.

Судијата Георгиев ја објави пресудата наведувајќи дека кривичното дело било извршено на 8 август 2025 година, во раните утрински часови, по 2 часот, кога обвинетиот самиот се јавил на бројот за итни повици. Убиството било извршено со зелен нож, кој, според судот, Зарков и претходно го користел при извршување кривични дела поврзани со семејно насилство.

Судијата Георгиев вели дека според архивата на Основниот суд во Штип, Зарков неколку пати е суден за сторени кривични дела семејно насилство врз неговите сега починати родители.

Основниот суд во Штип од 2020 до денеска изрече три казни доживотен затвор за сторени свирепи убиства.

Грофот од Штип не може да се сети дека со нож ја убил сопствената мајка