Вечерва од 18.45 часот на Националната арена „Тодор Проески“ во Скопје фудбалерите на Шкендија ќе го играат својот втор натпревар оваа сезона во Конференциската лига, а нивни нов противник е Шелбурн од Ирска.

Актуелниот македонски шампион го стартуваше натпреварувањето со гостински пораз во Шпанија од Рајо Ваљекано со резултат 2:0, додека Шелбурн пред своите навивачи ремизираше 0:0 со шведскиот Хакен.

Тренерот на тетовските „црвено-црни“, Јетон Беќири вели дека неговите играчи се подготвени за предизвикот, и целта е со добра и паметна игра да се дојде до прв триумф во лигашката фаза.

Стартниот состав на Шкендија за денешниот меч против Шелбурн: Гаје, Трумчи, Фетаи, Цаке, Вебстер, Зејнулаи, Алхасан, Тамба, Красниќи, Љатифи, Ибраими.

Шанса за настап од клупата за резервни играчи ќе чекаат: Амзаи, Белица, Р. Рамадани, Ф. Рамадани, Адеми, Мурати, Крстевски, Мазари, Мелиќи, Каба, Џака, Спахиу.