Српски државјанин се обидел да шверцува над 5.000 штеки цигари на граничниот премин „Стар Дојран“
На граничниот премин „Стар Дојран“, вчера попладне е уапсен 56-годишниот М.Г. од Србија кој се обидел да шверцува 5.050 штеки цигари, од кои 800 штеки биле класични цигари, а 4.250 електронски цигари.
Препорачано
– Тој управувал товарно возило „ман“ со полуприколка „шмитц“ со српски национални ознаки. При извршената гранична контрола било утврдено дека WIN бројот на полуприколката во сообраќајната дозвола е фалсификуван. При деталниот преглед на полуприколката, со помош на специјален уред – ендоскоп, бил пронајден скриен бункер во кој биле откриени вкупно 5.050 штеки акцизна стока, од кои 800 штеки класични цигари и 4.250 штеки електронски цигари – соопшти Министерството за внатрешни работи (МВР).
По целосно документирање на случајот, МВР најави дека против М.Г. ќе бидат поднесени кривични пријави за кривичните дела „фалсификување исправа“ по член 378 и „криумчарење“ по член 278 од Кривичниот законик.
ФОТО | Се запали автобус во Романија, патниците евакуирани навреме
