Утринава на национален автопат во централна Романија целосно изгоре автобус во кој патувале 47 лица, откако возилото се запалило за време на движење. Благодарение на навремената реакција, возачот и сите патници биле безбедно евакуирани и во инцидентот нема повредени, објави „РадиоМурес“.

Пожарот избувнал во близина на селото Шоромикле, на делница од автопатот во округот Мреш. По пријавата, на терен интервенирале две противпожарни екипи, како и едно возило на итна медицинска помош.

И покрај брзата интервенција, огнот целосно го уништил автобусот. Поради инцидентот, сообраќајот на оваа делница бил привремено запрен во двата правци, сè до завршување на интервенцијата и расчистување на патот.