СРБИЈА НЕ Е ПОВЕЌЕ ДАНОЧНА ОАЗА: ЕУ ја отстрани земјата од „сивиот список“ – Слободен печат
ВестиЕкономија

СРБИЈА НЕ Е ПОВЕЌЕ ДАНОЧНА ОАЗА: ЕУ ја отстрани земјата од „сивиот список“

Министрите за финансии на ЕУ, исто така, се согласија да ги отстранат Обединетите Арапски Емирати и Швајцарија од списокот на земји што се сметаат за даночни засолништа.

Министерскиот совет на ЕУ ја отстранува Србија од „сивиот список“ на даночни засолништа во Европа, бидејќи е утврдено дека земјата ги исполнила сите обврски од областа на даночната соработка и ги има спроведено сите неопходни реформи пред време за да ги почитува принципите на ЕУ за добро управување со даноците.

Во образложението на одлуката се наведува дека на 30.08.2019 година Србија ја ратификувала Конвенцијата за организација на економска соработка и развој (OECD) за мултилатерална административна соработка (MAC), објавено на официјалната веб-страница на Советот на Европската унија.

„Сивиот список“ на ЕУ, во кој има земји кои имаат несоодветни даночни стандарди, но се обврзаа да ги променат барањата по потреба, при што беа отстранети и Маурициус, Костарика и Албанија, оставајќи околу 30 други јурисдикции на списокот.

Министрите за финансии на ЕУ, исто така, се согласија да ги отстранат Обединетите Арапски Емирати и Швајцарија од списокот на земји што се сметаат за даночни засолништа.

Во декември 2017 година, Европската унија изготви „црн“ и „сив“ список на даночни засолништа, откако ги откри сложените маневри што ги користат компаниите и богатите лица за да ги намалат своите даночни обврски.

Место на списокот на „црни места“ за земји значи лоша репутација и построги контроли во трансакциите со ЕУ.

Емиратите се отстранети од списокот откако во септември усвоија нови оф-шор регулативи, соопшти ЕУ.

Јуриздикциите што остануваат на „црната листа“ се Белизе, Фиџи, Оман, Самоа, Тринидад и Тобаго, Вануату и три територии на САД – Американска Самоа, Гуам и американските Девствени острови.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close