И официјално сите спортски настани во Италија ќе се одржуваат зад затворени врати, односно пред празни трибини до 3. април 2020 година.

Италијанските власти одлучија дека спортот ќе продолжи, но без навивачи. Ова ги опфаќа сите области, вклучително и оние кои не се погодени од ширењето на коронавирусот.

Ова доаѓа откако бројот на позитивни случаи во Италија се искачи над 3.000, вклучувајќи и 107 смртни случаи, иако во овој момент има 2.706 кои во моментот страдаат од оваа високо-заразна болест. Исто така училиштата и универзитетите се затворени во Италија до 15. март.

Sports events in Italy go behind closed doors until 3 April due to coronavirus https://t.co/34MVWScM0b

— Adrian Harewood (@CBCAdrianH) March 4, 2020

Исто така се наведува дека клубовите се одговорни за редовни проверки за да се обезбеди дека ниту еден од нивните спортисти или персонал нема коронавирус.

Сега е скоро сигурно дека Серија А ќе продолжи каде што застана, со шесте одложени натпревари од 26. коло наместо со мечевите од 27. коло.

Тоа значи дека Јувентус-Интер, Милан-Џенова на нашиот Горан Пандев и другите средби ќе се играат во претстојниот викенд, преместувајќи ги натпреварите од 27. коло за следната недела, итн.

Ова сè уште не е официјално, бидејќи на денешниот состанок на Лега Серија А немаше доволно учесници за да се обезбеди валидно гласање.

Полуфиналните мечеви на Копа Италија, Јувентус-Милан и Наполи-Интер веќе се одложени, иако реванш средбите требаше да се одиграат на 4. и 5. март.